فيه استخدامات كتير لمناديل المطبخ فاين ممكن تخلي حياتنا اسهل بكتير ونتمنى لو كنا نعرفها من زمان تعالوا نشوف ابرزها
1. بتخلي الخضروات والفاكهة طازجة
لما بنحتفظ بالخضار والفاكهة في الثلاجة لمدة طويلة مبتبقاش فريش وهنا هيجي دور اول حيلة! قبل ما ندخل الخضروات او الفاكهة الثلاجة هنغلفها بمناديل المطبخ فاين ونحطها في الثلاجة ولما نيجي ناخدها تاني هنلاقيها فريش زي ما هي
2. تقطيع الخضروات
بنعاني وإحنا بنعمل السلطة من تقطيع الخيار والجزر عشان واحنا بنقطع بعض القطع بتقع من على السطح! لكن لو حطينا مناديل مطبخ فاين تحت الخيار او الجزر واحنا بنقطعه مش هيحصل كدا وهتفضل في مكانها
3. المشروبات تبقى باردة بشكل اسرع
الصيف داخل وكلنا بنبقى مش صابرين اننا نخلي المشروبات تبقى ساقعة! مناديل المطبخ فاين هستاعدنا في دا عن طريق اننا هتلف زجاجة المشروبات بالمناديل ونحطها في الثلاجة وهنلاقي الزجاجة بقت باردة في نص المدة اللي التلاجة بتحتاجها
4. استخدام خاص للقاعدة الكرتونية لمناديل المطبخ
حتى بعد ما مناديل المطبخ فاين تخلص نقدر نستفيد من القاعدة الكرتون بتاعتها! ودا عن طريق اننا نعملها غلاف للسكينة عشان تحمينا لو ايدينا جات عليها بالغلط
5. تنظيف الميكرويف
تنظيف الميكرويف من الحاجات اللي كلنا بنعاني منها بس فيه حيلة سهلة بمناديل المطبخ فاين هتسهل تنضيفه! وهي اننا هنحط منديل مطبخ في قاعدة الميكرويف ونشغله لمدة دقيقتين بعدها هنلاقي كل الإتساخ اللي كان في القاعدة خرج في المنديل