مناديل المطبخ من أكتر الحاجات الأساسية اللي بنحتاجها تبقى دايماً موجودة مش بس للتنضيف، لكن لأن معظم وجباتنا هتحتحاجها في مرحلة ما ومفيش ليها بديل. شوفوا معانا ٥ أكلات لازم نستخدم فيها مناديل المطبخ:
1. المقبلات المحمرة
معظم المقبلات المحمرة وأشهرهم البطاطس والسمبوسك على السفرة المصرية بتتحمر في زيت غزير ومبيبقاش كفاية نصفيها من الزيت بالمصفى، مناديل المطبخ بتمتص زيت أكتر بكتير وتخلي المقبلات أخف وألذ بكتير. عايزين فكرة جديدة للمقبلات؟ جربوا كرات الرز المقلية من هنا
2. الدواجن المنقوعة
معظم وصفات الفراخ بتحتاج نقع فترة طويلة في التتبيلة، بعدها يا بنحمرها يا بنسويها في الفرن. في الحالتين لازم ننشف الفراخ كويس لأنها لو مبلولة مش هتدينا الطبقة الكريسبي من برة واللون البني الجميل. جربوا وصفة الفراخ المشوية بتتبيلة اللبن الرايب من هنا
3. المسقعة
ناس كتير مبتقدرش على المسقعة عشان بتبقى مزيتة جداً، ودة عشان البتنجان المحمر بيشرب زيت كتير جداً. الحاجة الوحيدة اللي تقدر تمتص معظم الزيت من البتنجان وتخلي المسقعة خفيفة ولذيذة هي نقلها فوراً من الزيت على مناديل مطبخ كتير.
4. الفتة اللبناني
زي فتة البتنجان بالزبادي وفتة الشاورما، الفتات اللبناني بيبقى من أهم وألذ مكوناتها العيش اللبناني المحمر لكن لو مستخدمناش مناديل مطبخ في امتصاص الزيت من العيش (والبتنجان في فتة البتنجان) الفتة هتبقى كلها زيت بس!
5. السلطة
من أول غسيل الخضا اللى لازم بعدها ننشفه كويس من المياة وأي رواسب على القشرة قبل من نبدأ تقطيع، لتخزين الورقيات بالمناديل عشان تعيش فترة أطول، أي سلطة هنعملها مانقدرش نستغنى عن مناديل المطبخ!