سواء كنتم مبتدئين أو بتتعاملوا مع الطبخ والمطبخ كتير هتحتاجوا تراجعوا الأساسيات وهتستفيدوا جداً من النصايح دي اللي هتوفرلكم وقت وتخلي الأكل يطلع أحلى وكمان تأكد إنكوا بتستخدموا وبتحافظوا على حاجة المطبخ صح.
1. السكاكين لازم تبقى حامية
معظمنا بينسى أو يكسل يسن سكاكين المطبخ ويستخدمها فترة طويلة وهي باردة، برغم إن السكينة الحامية هتوفر وقت وجهد وتخلي عملية التقطيع سلسة. وكمان، أأمنلنا بكتير من السكاكين الباردة اللي بنضطر نضغط عليها أكتر من اللازم وتتزحاق وتعورنا! السكاكين لازم تتسن كل 4 شهور أو 6 شهور بالكتير أوي.
2. محضر الطعام شيء أساسي
محضر الطعام من أكتر الأجهزة الكهربائية المتعددة الإستخدامات في المطبخ وأهمهم، يكاد يكون شخص تاني معانا بيفرم ويقطع ويبشر ويطحن ويهرس في ثواني وبكل سهولة. مهم جداً يبقى عندنا محضر طعام قوي زي مولينكس دبل فورس، يقصلنا وقت التحضير النص ويساعدنا نعمل أكلات متنوعة أكتر. شوفوا 13 حاجة مختلفة نعملها بمحضر الطعام من هنا
3. صلصة فريش جاهزة
صلصة الطماطم من أكتر الحاجات اللي بنستخدمها في طبخات كتير كذا مرة في الإسبوع، ومعظمنا بيحبها معمولة من طماطم فريش. جربوا تهرسوا كميات كبيرة من الطماطم بخلاط يدوي زي مولينكس ماستر بلند برو، هيساعدكزم تعملوا كمية كبيرة من صلصة الطماطم تتخزن في الفريزر فترات طويلة في وقت أقل من المعتاد. شوفوا كمان 10 حاجات مختلفة نعملها بسرعة بالخلاط اليدوي (الهاند بلندر)
4. نقرا الوصفة كلها قبل ما نبدأ
عشان نضمن إن الطبخ يبقى سلس ومانحتاجش نفتح الفرن كل شوية أو نسيب الأكل على النار ونروح نجيب حاجات نسيناها أحسنلنا نقرا الوصفة كلها قبل ما نبدأ.
5. نحضر كل المقادير الأول
عشان نوفر الوقت ونضمن إن كل حاجة في الأكلة تطلع مظبوطة، لازم نكون مجهزين المقادير والأدوات اللي هنحتاجها قبل ما نبدأ في الطبخ مش نقطع ونحضر كل مكون واحنا بنطبخ
6. نستخدم أواني طبخ جودتها عالية
الجودة العالية بتضمنلنا حاجات كتير أهمها إن عملية الطبخ بتبقى أسهل وأأمن، الأكل بيطلع سواه مظبوط أكتر وطعمه أحلى، والأواني بتعيش معانا أطول بكتير. أحسن مثال يثبت دة هو حلل وطاسات تيفال بطبقة التيتانيوم وبمميزات تانية كتير. شوفوا كمان 6 أسباب مهمة تخلينا نحول لحلل وطاسات تيفال بطبقة التيتانيوم!
7. دايماً نقطع الخضار قبل اللحوم
محدش هيفكر إنها فارقة، لكن لما نقطع الخضار قبل اللحوم مش بس هنوفر وقت غسل القطاعة كذا مرة، وكمان هنتجنب نقل أي جراثيم من اللحمة للخضار.
8. نستخدم طاسة تيفال صح
عشان أكلنا يطلع مظبوط ونستفيد أكبر استفادة من طاسات تيفال من أهم النصايح هي إننا مانطبخش فيها على حرارة أعلى من المتوسطة، مانبدأش طبخ إلا لما تكون سخنت كويس وهنعرف دة من علامة ثرموسبوت الحمرا لما تغمق، ومانغسلش الطاسة بأي حاجة خشنة. خدوا الإختبار دة وشوفوا لو بتعرفوا تستخدموا طاسة تيفال صح!
9. نغير سفنج المواعين باستمرار
لو بنغسل المواعين كل يوم لازم نغيرالسفنجة لواحدة جديدة على الأقل مرة كل شهر (أو كل 30 يوم إستعمال) لأان سفنج المواعين بيجمع بكتيريا كتير جداً وهينقلها لأي حاجة بيلمسها!
10. نستثمر في حلة ضغط حلوة
ما نترددش إننا نجيب حلة ضغط لمطبخنا ومانعتبرهاش لغز ونخاف منها. حلل الضغط اللي جودتها عالية زي حلة ضغط تيفال كليبسو مصنعة بحيث تكون آمنة تماماً وسهلة الإستخدام أكتر بكتير من زمان. ومن أهم مميزاتها إنها بتوفر نص الوقت في الطبيخ وبتحافظ على طعم الأكل وقيمته الغذائية. شوفوا كمان 6 مميزات لحلة الضغط تخلي المطبخ مايستغناش عنها!