كل شتا بنخاف نتخن لإن طبيعي نلاقي نفسنا بناكل كميات أكبر وبشكل متكرر أكتر عشان جسمنا بيحتاج طاقة أكبر عشان يدفى ونعرف نتحرك ونبقى بنفس درجة النشاط اللي محتاجينها. عشان نحل المشكلة دي جبنالكوا 5 بدايل مغذية، سهلة، ومشبعة هتخللينا متدفيين ودايماً عندا طاقة في الشتا بدون ندم.
1. شورب خضار كريمي
طبعاً الطبق الرسمي للشتا هو الشوربة وخاصة لما يبقى قوامها تقيل ودسم يحسسنا بمتعة وشبع أكتر زي شوربة العدس. نقدر نستفيد بيها أكتر لما نعملها بأنواع مختلفة من الخضار عشان ناخد أكبر تشكيلة من الفيتامينات والمعادن. نقلل النشويات والدهون بإننا نهرسها بالخلاط اليدوي مع شوية لبن ويبقى عندنا شوربة كريمي صحية ومشبعة جداً. جربوا تعملوا شوربة القرع بالكريمة من هنا.
2. نزود الدهون الصحية
أكتر مصدر طاقة للجسم مباشر هي الدهون ومانقلقش منها لما تكون دهون صحية زي اللي موجودة في المكسرات وزبد المكسرات والأسماك الدهنية وزيت الزيتون. جربوا تعملوا كرات البلح بالمكسرات الصحية في محضر الطعام في أقل من 5 دقايق وشوفوا هتفرق في الطاقة قد إيه، ده غير إن طعمها جميل جداً!
3. أكلات في حلة الضغط
حلة الضغط مش بس بتعمللنا الأكل في أقل من نص المدة، لكن من أهم مميزاتها إنها بتحافظ على قيمة الأكل الغذائية وطعمه أكتر من الحلل العادية بكتير، ودة هيضمنلنا فيتامينات أكتر ومناعة أعلى في الشتا! شوفوا كمان 6 مميزات لحلة الضغط تخلي المطبخ مايستغناش عنها!
4. بدايل للسلطة
لو مالناش مزاج ناكل سلطة ساقعة في الشتا أو بنكسل ناكل الخضار بالشكل دة، جربوا تعملوا منه أنواع غموس مختلفة في محضر الطعام في دقايق، وحتى ممكن يشجعنا نغمس الخضار فيه كبديل سناك صحي أكتر. شوفوا وصفة الحمص ب 4 طرق من هنا.
5. مقليات بدون زيت
طبيعي نروح للأكل المحمر والمقرمش أكتر في الشتا خاصة لما نبقى عايزين نقزقز حاجة كل شوية. مش لازم نحرم نفسنا من الأكلات دي لو عملناها في قلاية زي أكتيفراي من تيفال بمعلقة زيت واحدة بس كحد أقصى أو من غير زيت خالص! شوفوا كمان 5 معلومات عن الأكتيفراي (القلاية الصحية) محتاجين تعرفوها!