القلاية الصحية إختراع بيغير تجربتنا مع الأكل والطبيخ بشكل جذري. شوفوا قد إيه الأكتيفراي إضافة مهمة جداً لمطبخكم وصحتكم!
1. إيه هي الأكتيفراي؟
أكتيفراي هي القلاية الصحية من تيفال، بتستخدم تكنولوجية دوران الهوا السخن لقلي وطبخ الأكل، اللي بيخلينا مانحتاجش نضيف زيت أكتر من معلقة واحدة كبيرة كحد أقصى عشان نعمل أكلات مقرمشة ولذيذة ب 99% دهون أقل! زائد إن فيها دراع تحريك بيقلب الأكل جواها بإستمرار ويضمنلنا إن الأكلة هتستوي من كل النواحي من غير ما أي حتة تتحرق ويخلينا ما نحتاجش نلمس الأكلة لحد ما تخلص!
2. بنستعملها إزاي؟
لو هنعمل بطاطس فرايز مثلاً، هنثبت دراع التحريك في الطاسة اللي جوا الأكتيفراي وبعدين نوزع البطاطس (1 كيلو حد أقصى في موديل الأكتيفراي الأصلية) بالتساوي ونستخدم المعلقة الخضرا بتاعت أكتيفراي عشان نوزع على البطاطس معلقة زيت واحدة بس (في حالة الفرايز المجمدة مش هنحتاج نحُط زيت). نقفل الغطا ونحدد الوقت من زرار التايمر وبعدين ندوس زرار التشغيل. أول ما وقت الطبخ يخلص التايمر هيزمر، حنقفلو وندوس زرار التشغيل، نفتح الغطا ونلاقي فرايز مقرمشة من غير أي مجهود أو متابعة!
3. إيه أهميتها ومميزاتها؟
أكل ألذ بدون ندم: بالذات في الأكلات المحمرة، لما شيلنا كمية الزيت الرهيبة اللي بنستخدمها نقدر نستمتع بالمقليات بدون ضرر وسعرات عالية
سهولة الإستخدام، وتوفير وقت ومجهود: خطوات قليلة وبسيطة، مش محتاجين نقف عليها ولا نقلب الأكل، ممكن نعمل أى حاجة تانية لحد ماتخلص
سوى مظبوط وطعم أحلى: بسبب دراع التحريك الأكل هيستوي بشكل متساوي من غير مانلاقي حتت محروقة وحتت مش مستوية، كله هيطلع بنفس القرمشة ومستوي 100%
سهولة التنظيف: عشان فيها قطع كتيرة قابلة للإزالة نقدر نغسلها بمياه وصابون خفيف أو نحطها في غسالة الأطباق ونوفر وقت زيادة
تعدد الإستخدامات: نقدر نعمل فيها طبخات كتيرة تانة غير الفرايز والحاجات المحمرة ونستفيد بتوفير الوقت والمجهود
بدون روايح: بما إننا بنطبخ الأكل مش مكشوف مش هنملى البيت روايح أكل ودخان
4. ممكن يتعمل فيها إيه تاني غير البطاطس؟
الأكتيفراي مش بس للبطاطس، كل المقرمشات التانية اللي بتحتاج زيت كتير تتعمل فيها بسهولة زي السمبوسة والطعمية. ومش بس القلي، ممكن يتعمل فيها وجبات كتيرة تانية زي الشاورما والخضار والجمبري، وحتى أطباق مكرونة!
5. إيه اللي بيميزها عن القلاية الهوائية؟
بسبب خاصية التحريك المستمر اللي مش موجودة في القلاية الهوائية مع دوران الهوا السخن وتوزيعه بشكل متساوي، الأكتيفراي بتحافظ على قيمة الأكل الغذائية أكتر وبتمنع إنه يبقى ناشف. زائد إننا مش هنحتاج نقلب أو نرُج القلاية عشان الأكل يستوي صح أو مايتحرقش، وبالتالي مش هنضطر نفتحها أو نتابعها على عكس قلاية الهوا. وكمان الأكتيفراي بتاخد كمية أكتر من الأكل. موديل أكتيفراي جينيس فيه إعدادات لظبط الحرارة أكتر ودة بيخلينا نعمل وجبة كاملة مرة واحدة في وقت أقل بكتير!
موديلات وأسعار أكتيفراي
| قلاية تحمير اكتيفراى 1 ك - تيفال | 2,799 |
| قلاية تحمير اكتيفراى 1.2 ك - تيفال | 4,999 |
معلومة هامة : هذه الأسعار قابلة للتغيير فى حالة العروض
لمزيد من المعلومات زوروا :
www.tefal.com.eg
https://www.facebook.com/TefalEgypt/