جه الوقت إننا مانترددش تاني في إننا نجيب حلة ضغط لمطبخنا ومانعتبرهاش لغز ونخاف منها. حلل الضغط اللي جودتها عالية دلوقتي بقت مصنعة بحيث تكون آمنة تماماً وسهلة الإستخدام أكتر بكتير من زمان. الأهم من كدة إن مميزات حلة الضغط فوق الحلل التانية بتخليها شيء أساسي لازم يبقى موجود في كل مطبخ. شوفوا معانا أهم مميزات حلة الضغط:
1. بتحافظ على طعم الأكل وقيمته الغذائية
الأكل المطبوخ في حلة الضغط بيحتفظ بقيمته الغذائية أكتر من الحلل العادية لأنه بيتطبخ في وقت أقصر وبيحتاج سوائل أقل. لما الأكل بيتطبخ في مدة أقصر بيحافظ على لونه وقوة طعمه بالإضافة للمعادن والفيتامينات اللي فيه اللي مابتتبخرش معظمها عكس ما نطبخ في كميات مياه أكبر لمدة أطول بكتير.
2. بتوفر نص الوقت في الطبيخ
وقت الطبخ لنفس الأكلة بيقل بدرجة كبيرة جداً لأن الأكل بيستوي بنسبة 70% أسرع بسبب الضغط. وبما إننا بقى معظمنا مشغول جداً معظم الوقت نقدر نعمل وجبة كاملة مغذية جوا حلة الضغط مرة واحدة ويكون الغدا جاهز في دقايق!
3. بتوفر طاقة
حلل الضغط فعالة أكتر في توفير الطاقة عن إننا نستخدم كذا حلة على كذا شعلة عالبوتاجاز وحتى في حالة البوتاجاز الكهربا هنحتاج كهربا أعلى. دة بسبب إننا سهل نعمل وجبات كتير في وقت أقصر في نفس الحلة لو بنستخدم حلة الضغط وبالتلي هنستهلك طاقة أقل بكتير.
4. المطبخ مابيسخنش
في الفترات اللي فاتت الصيف بدأ يبقى أطول وإحتياجنا لمطبخ بارد بقى ضروري جداً. لما نطبخ في حلل على بوتاجازات الغاز الحرارة بتنتشر من الحلة جوة المطبخ وتخلىه أحر وكتمة أكتر بشكل ممكن يبقى خطر، حتى لو شغلنا الشفاط. على عكس حلة الضغط بغطاها المحكم اللي بتحتفظ بكل البخار والحرارة جواها من غير ما أي حاجة تتسرب والمطبخ حرارته ماتعلاش.
5. التنظيف أقل
عادة لما بنطبخ في حلل عادية بنلاقى رواسب من بخار أو فوران السوايل وطرطشة الزيوت على البوتاجاز ورخامة المطبخ والأرض وحتى الحيطان. حلة الضغط مابتخليش أي حاجة من دي تحصل بسبب إنها بتتقفل بإحكام ومابتسربش أي حاجة براها. زائد إننا بعد مانطبخ مش هنحتاج نغسل غير حلة واحدة!
6. سهولة وأمان أكتر مع حلل ضغط تيفال كليبسو
لو عندنا حلة الضغط كليبسو من تيفال هنستمتع بكذا ميزة إضافية بجانب المميزات اللي فوق بتخليها أسهل وأأمن من حلل الضغط التانية. أهمهم إننا نقدر نقفل الحلة ونفتحها بإيد واحدة بس بكل سهولة، وكمان في الحلة الكليبسو في مؤشر ضغط بيعرفنا إمتى بالظبط محتاجين نوطى النار على الأكل عشان مانسيبش الضغط يعلى بزيادة، بالإضافة للتحكم في إطلاق البخار.
موديلات وأسعار حلل ضغط تيفال كليبسو
| حله ضغط كليبسو بلاس تيفال 8 لتر | 2,199 ج.م |
| حله ضغط كليبسو بلاس تيفال 10 لتر | 2,349 ج.م |
| حله ضغط كليبسو بلاس تيفال 12 لتر | 2,499 ج.م |
| حله ضغط كليبسو مينيت ايسي تيفال 9 لتر | 2,299 ج.م |
معلومة هامة : هذه الأسعار قابلة للتغيير فى حالة العروض
لمزيد من المعلومات زوروا :
www.tefal.com.eg
https://www.facebook.com/TefalEgypt/