من الحاجات المهمة اللي هتسهل علينا الصيام في رمضان هو إننا نقلل الوقت والمجهود الكبير اللي بنبذله في التحضير والطبخ والغسيل في المطبخ، عشان كدة جبنالكوا أحسن أدوات توفرلنا وقت كبير في المطبخ وتخلي الطبخ والتنظيف بعده أسهل بمراحل!
1. محضر طعام مولينكس دابل فورس
محضر الطعام دابل فورس من مولينكس من الأجهزة القوية والموفرة للوقت بشكل كبير جداً في المطبخ. نقدر نعتبره دراعنا اليمين اللي هيقوم بكل خطوات التحضير والمكونات تبقى جاهزة على الطبخ علاطول في ثواني، من غير ما نحتاج نقف ونقطع ونبشر ونعجن ونستخدم كذا حاجة تزودلنا المواعين. جهاز أكتر من ممتاز لتوفير الوقت والمجهود!
2. حلة ضغط تيفال كليبسو
من أعظم مميزات حلة ضغط كليبسو إنها هتطبخ الأكل في تلت المدة تقريباً وتطلعهولنا مستوي جداً مع الاحتفاظ بالطعم أكتر من الحلل العادية. الجميل كمان إنها بتبقى مقفولة تماماً فا مابتطلعش بخار وصهد يخنقنا في المطبخ وممكن نعمل وجبة كاملة فيها، ونقلل على نفسنا المواعين!
3. خلاط مولينكس اليدوي كويك شيف
من أهم مميزات الخلاط اليدوي هو إننا نقدر نستخدمه جوه الحلة أو الحاجة اللي اللي بنعمل فيها الأكل مباشرة، وعشان بنحركه بإيدينا وشايفين الأكل وإحنا بنخلط بيدينا درجة تحكم أكتر ويوفرلنا وقت. خلاط يدوي كويك شيف من مولينكس متعدد الإستخدامات كمان فيه كبة ومضرب مش هيخلينا نحتاج أي أدوات جمبه!
4. القلاية الصحية أكتيفراي
بالإضافة لإن قلاية أكتيفراي بتخلينا نقدر نعمل الأكلات اللي بنحبها بدهون أقل بكتير وبشكل صحي أكتر، هي كمان بتخلينا مانحتاجش نقف في المطبخ كتير عشان نتابع الأكل لأننا بنظبطها على وقت محدد وهي أول مابتخلص بتوقف طبخ. شوفوا كمان 5 معلومات عن الأكتيفراي محتاجين تعرفوها!
5. شواية تيفال أوبتيجريل بلاس
شواية أوبتيجريل بلاس إختراع ممتاز لما نحب نعمل مشويات، بتخلينا نطلع الأكل مظبوط جداً وبسبب إنها بتحسب لوحدها الكمية والسمك والوقت المطلوب، مش محتاجين نقف نتابع ونخمن الأكل اتشوى صح أو استوى ولا لأ، وكمان تنضيفها سهل جداً! شوفوا كمان 5 مميزات في أوبتيجريل لعشاق المشويات في رمضان!
6. حلل وطاسات تيفال بطبقة التيتانيوم
أواني الطبخ بطبقة التيتانيوم الإضافية بتستخدم قاعدة معدن زي الألومنيوم تضمن إن الحرارة تتوزع أسرع وبشكل متساوي أكتر وتحفظ الحرارة كويس. وفي نفس الوقت الأكل مابيلزقش ومابيتحرقش، ودة بيخلي الطبخ أسرع وجودته أعلى وطعمه أحلى، بجانب إننا حنستهلك طاقة ومجهود أقل بكتير في التنضيف!
7. كاتيل أليمينت تيفال
لو عندنا كاتيل قوي وسريع زي كاتيل اليمينت من تيفال مش بس هينجز في الشاي والقهوة لكن كمان هيقلل وقت الطبخ في الأكلات اللي بنحتاج نسلقها أو نضيفلها أي سوائل وهي بتطبخ، بدل ما نستنى مياه تغلي في البراد أو الحلة.