القهوة: أهم مشروب اليوم مايبدأش ولا ينتهي صح من غيره! لكل المعتمدين على الكافيين للبقاء على قيد الحياة زيينا، شوفوا معانا 7 طرق مختلفة تطور علاقتكم مع قهوتكم!
1. قللوا المرارة برشة ملح
بالذات لو نوع البن مش مضمون، رشة بسيطة من الملح قبل مانحط المياه هتشيل جزء كبيرة من طعم القهوة المر وتحسن جودة الطعم بشكل عام.
2. حلُوها ببدايل صحية عن السكر
فكرة مفيدة جداً لكل اللي بيشرب قهوة كتير إننا نستخدم حاجات زي القرفة أو مستخلص الفانيليا بدل السكر، مش بس هيدَوا القهوة طعم أجمل لكن كمان من غير أي كالوريز زيادة. وممكن كمان نستبدل السكر بعسل كمسكر طبيعي أفيدلنا بكتير.
3. حولوا القهوة لتحلية!
لو عايزين حاجة حلوة مع القهوة ليه منحولهاش للحاجة الحلوة ونبقى خدنا 2 في 1! طبعاً لو عندنا وقت نقدر نعمل منها كيكة قهوة أو تيراميسو اللي من ألذ الكيكات لمحبي القهوة لكن ممكن كمان نعمل حاجات سريعة زي ميلك شيك أو فرابتشينو بالكراميل يجنن زي دة!
4. إعملوا مكعبات قهوة
الآيس كوفي تغيير من القهوة المعتادة بنحتاجه كل فترة على مدار السنة لكن محدش بيستمتع بمكعبات التلج لما تسيح وتخلي اللبن مليان مياه. بدلوها بمكعبات قهوة متلجة والمشروب هيفضل مركز من أوله لآخره.
5. استثمروا في محضر قهوة جديد
جربوا قهوتكوا من جهاز محضر القهوة التركي من تيفال هيخلي القهوة اليومية أسهل بكتير ومظبوطة كل مرة من غير ما تفور، وتعمللنا لحد 4 فناجين مرة واحدة برغوة مظبوطة في كل فنجان!
سعر محضر القهوه التركي ٧٣٥ واط – تيفال : ١٬٤٩٩ ج.م.
6. استخدموها في العناية بالبشرة
القهوة زي مابتصحصحنا نقدر نخليها تصحصح بشرتنا بإننا نعمل منها ماسك مقشر ومغذي يزود نضارة البشرة وكمان يقلل التجاعيد.
7. إخلطوها مع مادة دهنية لطاقة أكتر
القهوة بالزبدة أو زيت جوز الهند مضروبين في الخلاط هيدونا مشروب ألذ، دسم، ومليان رغوة. هيدينا طاقة عالية جداً نبدأ بيها اليوم ويحسسنا بالشبع فترة طويلة!