لو عندنا خلاط قوي زي خلاط مولينكس بيرفكت ميكس، حرام يتركن على جمب معظم الوقت ونستخدموا في حاجة أو حاجتين تقليديين بالكتير. شوفوا معانا الحاجات المختلفة اللي ممكن نعملها بكل سهولة من الخلاط اللي تشجعنا على اختراعات جديدة في الأكل!
1. بان كيك وكريب
لما تعملوا بان كيك المرة الجاية جربوا تحطوا كل مقادير العجينة في الخلاط، هيطلعلكم عجينة ناعمة تماماً في ثواني تتصب من الخلاط على الطاسة على طول. ساعتها تقدروا تتفننوا في الإضافات من فواكه أو شوكولاتة أو حتى إضافات حادقة لتجربة جديدة!
2. سموزي
من أهم استخدامات الخلاط هو في المشروب المنعش دة! إبتكروا في إختياراتكوا مش بس في الفواكه، ممكن تضيفوا أنواع خضار، كاكاو، شوفان، أو مكونات أجدد كمان على حسب تخيلكم. أسهل وألذ طريقة ناخد بيها فيتامينات وطاقة خاصة في الصيف!
3. دريسينج السلطات
جربوا تعملوا أنواع الدريسينج اللي بتحبوا تجيبوها من برة في أقل من خمس دقايق من الخلاط. بالتأكيد هتبقى أحلى لأنها فريش ومافيهاش مواد حافظة، الخلاط هينعمها تماماً، وتقدروا تحطوا لمساتكوا وتضيفوا الأطعمة اللي بتحسوا إنها ناقصة في الدريسينج الجاهز.
4. صلصة
سواء صلصة طماطم للأكلات المسبكة، صلصة مارينارا للبيتزا والباستا، أو صلصة بيضا زي الألفريدو، كلهم بيتعملوا بكل سهولة لما نضرب كل مكوناتهم بالتوابل في الخلاط في ثواني. الصلصة ساعتها سهل ندوقها ونضيفلها حاجات جديدة من ابتكارنا عشان متبقاش تقليدية وكل اللي حنحتاجوا بعدها هو حلة نسخنها فيها!
5. آيس كوفي
لما يبقى عندنا خلاط قوي مالناش حجة نشتري من برة فرابوتشينو وماكياتو وإحنا ممكن نعملهم بكل سهولة في البيت، أرخص، وأحلى كمان. الأساس هيبقى القوة واللبن والتلج، والإبتكار هيبقى في الكميات والإضافات اللي حابين نحطها زي الكراميل والشوكولاتة والكريم شانتي وحاجات تانية غير تقليدية بكميات أكتر زي ما نحب!
6. ميلك شيك
دة بقى مشروب التقليدي منه ممتع جداً بس الإختراعات فيه ممتعة أكتر وأكتر. هنبدأ بالأساس كام بولة آيس كريم من إختيارنا وشوية لبن وبعدين عندنا بحر من الإضافات من فاكهة لبسكوت لشوكولاتة وكراميل واللي نقدر نتخيله نحط كله في الخلاط ونستمتع كل يوم بتحلية جديدة منعشة جداً.
7. صوصات بيتي
جربوا تعملوا صوصات زي المايونيز والكاتشب والتومية في الخلاط لأن مكوناتهم بسيطة جداً وطعمهم هيفاجئكوا قد إيه أحلى بكتير من الجاهز، وكل اللي خدوه ثواني في الخلاط! طبعاً بعدها هيبقى سهل جداً تجربوا إضافات جديدة لكل صوص أساسي فيهم وتخترعوا صوص جديد محدش عمله قبل كدة!
سعر خلاط مولينكس بيرفكت ميكس ١٢٠٠ واط – ٢،٣٩٩ ج.م.
معلومة هامة: الأسعار قابلة للتغير في حالة العروض
لمزيد من المعلومات زوروا:
https://www.moulinex.com.eg/
https://www.facebook.com/MoulinexEgypt/