in

8 أنواع خضار هتتفاجئوا إنهم مش خضار!

8 أنواع خضار هتتفاجئوا إنهم مش خضار!

مش كل الفاكهة مسكرة ولا كل اللي بنعمله في السلطة أو في الطبيخ يبقى خضار. هتتفاجئوا بأكلات كتير عارفينها على إنها خضار لكنها في الحقيقة كلها تعتبر فواكه!

1# الزيتون

كلنا كنا فاكرين إن الزيتون من ضمن الخضار، لكنه في الحقيقة فاكهة! شجر الزيتون شجر مزهر ومبيض النبتة موجود في الزهرة. ده معناه إن الزيتون علميا من عيلة الفواكه!

2# الخيار

Fresh Cucumber and slices white background.

الخيار بينتمي لعيلة القرعيات، كلها ثمار نبتت من أزهار وبالتالي فالعيلة دي كلها فواكه. كل أنواع الخضار سواء طري أو ناشف تعتبر فاكهة! شوفوا كمان استخدامات قشر الخيار و7 أنواع خضار وفاكهة مهمة جدا!

3# القرع والكوسة

زي الخيار بالظبط، عيلة القرعيات بما فيها القرع العسلي والكوسة تعتبر كلها فواكه من الناحية العلمية، كلها ثمار فاكهة حتى لو احنا كنا متعودين على إنها خضار!

4# الفاصوليا الخضرا

الفاصوليا الخضرا معروفة على إنها خضار، لونها وشكلها وطعمها حتى في الطبخ، وبنعملها في شوربة خضار كمان! لكن زي الكوسة، الفاصوليا الخضرا في الحقيقة فاكهة!

5# البامية

ناس كتير مابتحبش الطبيخ أو الخضار لكن بتحب البامية، ممكن السبب في ده يكون إن البامية أصلا مش خضار زي ما احنا فاكرين. البامية علميا بتنتمي لعيلة الفواكه!

6# الفلفل

مش بس الفلفل الحلو، كل أنواع الفلفل حتى الهالابينو الحراق هي في الحقيقة فاكهة مش خضار. كل أنواع وألوان الفلفل بتدخل في التصنيف ده، لإن ثمار الفلفل كلها بتنمو من أزهار.

7# البتنجان

كلنا بنعامل البتنجان على إنه خضار طبعا، لكنه في الحقيقة فاكهة. ومش بس كده، ثمار البتنجان تعتبر من عيلة التوت. مع اختلاف حجمه وطعمه واستخداماته، لكنهم ولاد عم!

8# الطماطم

الطماطم من الفواكه اللي بنستهلكها كل يوم واحنا فاكرين إنها خضار، لكن الطماطم علميا فاكهة. فاكهة غنية بفيتامين سي بتدخل في أكلنا بصفة شبه يومية!