8 حاجات نعملها بسرعة في كبة ملتي مولينيت

كبة مولينيكس ملتي مولينيت ال 500 واط جهاز عملي جداً هيساعدنا في حاجات كتير في المطبخ وسعرها على قد الإيد. من أهم مميزاتها هي إن حجمها مش هياخد مساحة في مطبخنا وسهل نحركها براحتنا، سعتها حوالي نص لتر وفيها سرعتين للتقطيع والفرم هتخلى وقت التحضير أقل بمراحل. شوفوا معانا 8 حاجات نعملها في كبة ملتي مولينيت

1. تقطيع أو فرم الخضار

لو عايزين نحضر خضار عشان نعصج لحمة (بصل، توم، جزر، كرفس) أو نعمل سلطة، بدل ما نقف نقطع حاجة حاجة نحطهم كلهم في الكبة ونختار السرعة اللي عايزينها لحجم الفرم اللي عايزينه ونخليها تخلصلنا الشغل في ثواني! نخلي بالنا لو عايزين فرم خشن ماندوسش عليها أطول من ثانيتين في المرة عشان الخضار مايتهرسش.

2. خرط الملوخية

كبة ملتي مولينيت بييجي معاها سلاح أخضر مخصوص لخرط الملوخية! دلوقتي لما نحب نعمل ملوخية مش هنكسل نعملها فريش ونتعب إيدينا في التخريط، الكبة هتخلينا ننسى الملوخية المجمدة!

3. صوص مارينارا بيتي

سواء للباستا أو البيتزا صوص المارينارا البيتي أكيد بيبقى أحلى من المعلب بكتير. هنفرم طماطم مع بصل، توم، ريحان، وزعتر في الكبة في أقل من دقيقة وبعدين نسوي الصوص على النار أو في الميكروويف في أقل من 5 دقايق وبقى عندنا صوص مارينارا فريش في أسرع وقت!

4. أكل البيبي

أكل البيبي هيكون أحلى وأفيد وأضمن بكتير لما نعمله في البيت. هنطبخ بطاطا، فاصوليا، تفاح، أو أي خضار أو فاكهة طفلنا بيحبها وبعدين نعملها بيوريه في الكبة بالقوام اللي نفضله للبيبي وممكن كمان نقسم الكمية على قوالب تلج ونخزنها في الفريزر نستخدم منها كل شوية.

5. سموزي سريع

نخلط زبادي مع فراولة وموز وخوخ وتفاح مع عسل أو فانيليا في الكبة لما نحب نعمل سموزي صحي لنفسنا في السريع يكفي فرد أو فردين.

6. طحن المكسرات

أكلات كتير بيدخل فيها مكسرات مختلفة مطحونة بالذات الحلويات، من الحاجات اللي حتريحنا جداً في الكبة إنها تطحنلنا المكسرات في ثواني بدل ما نقعد ندقها في كيس أو بالهون ونبهدل الدنيا.

7. شوكولاتة مكسرة

قطع الشوكولاتة المكسرة بتخش في حلويات كتير زي الكوكيز والبراونيز والكب كيك وحتى الآيس كريم وتخليها تجنن. اللي جرب يكسر الشوكولاتة بالسكينة قبل كدة هيقدر قد إيه الكبة هتريحنا من الخطوة المزعجة دي في ثواني من غير أي بهدلة! 

8. صوص بستو فريش

صوص البستو أو الريحان من ألذ الصوصات الإيطالية اللي ممكن ناكلها كغموس أو نحطها على المكرونة مع حتت فراخ وتشيري توميتو لطعم مختلف وهمي. لازم الصوص دة يتعمل في الكبة وأحسنلنا نعمله وناكله فريش لأحلى طعم! شوفوا بالفيديو إزاي تعملوا وصفة المكرونة بالفراخ والبستو من هنا.

أسعار كبة ملتي مولينيت من مولينكس

معلومة هامة: الأسعار قابلة للتغير في حالة العروض

لمزيد من المعلومات زوروا:
https://www.moulinex.com.eg/
https://www.facebook.com/MoulinexEgypt/